Bakı,8 may,Sporaz.tv
Mauro İkardi “Galatasaray”(Qalatasaray)da çıxış etdiyi iki mövsümdə ümumilikdə 53 dəfə fərqlənməyi bacarıb. Argentinalı futbolçu sarı-qırmızılı klubda ən çox qol vuran 3-cü əcnəbi futbolçu olub.
Sporaz.tv xəbər verir ki, Mauro İkardi vurduğu qollar və ötürmələri ilə “Galatasaray”(Qalatasaray)ın qələbələrində mühüm rol oynayır. Argentinalı futbolçu bu mövsüm sarı-qırmızılı forma ilə bütün yarışlarda 44 rəsmi matçda iştirak edib.
Mövsümün ortasında aldığı zədə səbəbindən bir müddət zədələnən İkardi 9 matçda meydana çıxa bilməyib.
Karyerasının ən çox qol vuran mövsümünü keçirən İkardi həm də komandasının bombardiri olub.
44 matçda 30 dəfə fərqlənən argentinalı futbolçu 11 məhsuldar ötürmə də edib.
“Galatasaray”(Qalatasaray)la 2 mövsümdə 53 dəfə qapılara zərbə vuran təcrübəli futbolçu Bafetimbi Qomisi geridə qoyaraq klub tarixində ən çox qol vuran 3-cü olub.
Gheorghe Hagi 72 qolla siyahının ilk pilləsində, Milan Baros isə 61 qolla ikincidir.
Mauro İkardi ötən mövsümdə olduğu kimi son həftələri də boş keçirmir.
Argentinalı futbolçu ötən mövsümün son 9 matçında 13 qol və 1 məhsuldar ötürmə ilə çempionatda önəmli pay sahibi olub.
31 yaşlı hücumçu cari mövsümdə son 7 liqa matçında 9 dəfə topa vurub və 2 qol ötürməsi edib.
İkardi 23 qolla liqanın bombardiri yarışının başındadır.
Vüqar Alışov