U-17 millimiz seçmə mərhələdə ikinci oyununu keçirib

Bakı, 16 noyabr, Sporaz.tv

17 yaşadək futbolçulardan ibarət Azərbaycan milli komandası Avropa çempionatının seçmə mərhələsində ikinci oyununu keçirib.

6-cı qrupda yer alan millimiz Yunanıstan yığması ilə üz-üzə gəlib. Rumıniyanın “Tunari” stadionunda təşkil olunan görüş Yunanıstan seçməsinin 3:0 hesablı qələbəsi ilə yekunlaşıb.

Qeyd edək ki, ilk oyununda Macarıstan yığmasına 0:4 hesabı ilə məğlub olan U-17 qrupda son matçını noyabrın 19-da Rumıniya seçməsinə qarşı keçirəcək.