Bakı, 6 may, Sporaz.tv
Almaniya I utbol Liqasında (Bundesligada) ilk çempionluğunu elan edən Bayer Leverkuzen, Portuqaliya komandası Benfikanın 59 ildir qırılmayan Avropada bütün yarışlarda 48 oyunluq məğlubedilməz rekordunu qırmaq üçün meydançaya çıxacaq.
Sporaz.tv xəbər verir ki , daha əvvəl Bundesliqada çempionluğunu elan edən Leverkuzen “Bayer”i dünən səfərdə “Ayntraxt Frankfurt”u 5:1 hesabı ilə məğlub edib. Bu mövsüm bütün yarışlarda məğlubiyyətsizlik seriyasını 48 matça çatdıran Bayer Leverkuzen xalını 84-ə çatdırıb.
Xabi Alonsonun yetirmələri bu nəticə ilə 1963-cü ilin dekabrından 1965-ci ilin fevralına qədər Portuqaliyanın Benfika komandasının 59 ildir qırılmayan 48 oyunluq məğlubiyyətsizlik rekordunu bölüşdülər.
“Bayer” mayın 9-da UEFA Avropa Liqasının yarımfinal cavab oyununda “Roma”ya uduzmasa, 49 oyunluq məğlubiyyətsizlik rekordunu təzələyəcək.
Almaniya yığması UEFA Avropa Liqasının yarımfinal mərhələsinin ilk oyununda səfərdə “Roma”nı 2:0 hesabı ilə məğlub edib.
Vüqar Alışov
