Bakı, 21 oktyabr, Sporaz.tv
“Galatasaray” son performansı ilə diqqət çəkən Yunus Akgünün transfer qiymətini müəyyən edib. Sarı-qırmızılılar yay transfer dövründə Yunus Akgün üçün aldıqları təklifin iki qatını tələb edirlər.
Sporaz.tv xəbər verir ki, “Galatasaray”da bir müddət diqqətdən kənarda qalan Yunus Akgün bu mövsüm qısa müddətdə göstərdiyi performansla komandanın vazkeçilməz hissəsinə çevrilib.
Kerem Aktürkoğlunun gedişindən sonra ilk 11-in vazkeçilməz adlarından biri olan Yunus Akgün məşqçisi Okan Burukun ən çox güvəndiyi adlar sırasındadır. Digər tərəfdən “Galatasaray” Yunus Akgün üçün planını qurub.
“Galatasaray” yay transfer dövründə 10 milyon avroluq təklif aldığı Yunus Akgünün transfer qiymətini müəyyən edib. Buna görə sarı-qırmızılılar Yunus Akgün üçün 20 milyon avrodan aşağı təklifləri nəzərə almayacaq.
Bu mövsüm bütün yarışlarda 12 matça çıxan və 706 dəqiqə meydanda olan Yunus Akgün 4 qol və 1 məhsuldar ötürmə ilə yadda qalıb.
Bahar Rüstəm
