Bakı, 24 sentyabr, Sporaz.tv
UEFA Avropa Liqasında “Galatasaray“(Qalatasaray) “PAOK“-u qəbul edəcək. Qarşılaşmadan əvvəl “Galatasaray”-ın futbolçusu Yunus Akgün danışıb.
Sporaz.tv məlumat verir ki, UEFA Avropa Liqasında “Galatasaray” sabah ilk oyununda Yunanıstanın PAOK komandası ilə qarşılaşacaq.
Qarşılaşmadan əvvəl “Galatasaray”-ın futbolçusu Yunus Akgün açıqlamalar verib.
Yunus Akgün açıqlamasında: “Derbidə qalib gəldik və 6-dan 6-ya çıxdıq. Bu, həm də əhval-ruhiyyə verir. PAOK matçında qalib gələrək UEFA Avropa Liqasına yaxşı başlamaq istəyirik. Mənim şəxsi performansım vacibdir, amma məndən daha vacib olan odur ki, komanda yaxşı oynasın və hər matçda qalib gəlsin. İnşallah eyni şəkildə davam edə bilərəm.”- dedi.
Galatasaraylı oyunçu “Fenerbahçe” derbisindəki mövqe üçün sözlərini davam etdirdi; “Qaynar anda penalti mövqeyini başa düşmədim. Ayaqdan düşdüm, başa düşmədim, amma “Fenerbahçe”-ya verilən penaltini nəzərə alsaq, mövqeyim daha da penalti idi”. dedi.
Yunus Akgün: “Derbidən əvvəl bizim üçün hazırlanmış məktubları oxuduq və onlar bizi motivasiya etdi. Bunlar çox dəyərli şeylərdir”. – sözlərini dedi.
