Bakı, 8 oktyabr, Sporaz.tv
“Young Boys“(Yanq Boyz) baş məşqçi Patrick Rahmenlə yollarını ayırıb. İsveçrə təmsilçisi bildirib ki, Rahmenin yerinə müvəqqəti olaraq Joel Magnin təyin edilib.
Sporaz.tv məlumat verir ki, “Young Boys” bu mövsüm Çempionlar Liqasının pley-off mərhələsində “Galatasaray“(Qalatasaray)-ı mübarizədən kənarlaşdıran, lakin ardıcıl pis nəticələrlə diqqət çəkən baş məşqçi Patrick Rahmenlə vidalaşıb.
İsveçrə təmsilçisi, Rahmenlə yollarını ayırdığını rəsmən açıqlayıb. Açıqlamada Joel Magninin müvəqqəti məşqçi təyin edildiyi bildirilib. Magnin, “Young Boys”-un U21 komandasını çalışdırırdı.
“Young Boys”, Çempionlar Liqasının pley-off mərhələsində “Galatasaray”-ı hər iki matçda məğlub etsə də, liqa mərhələsinin ilk oyununda evdə “Aston Villa”-ya 3:0, ikinci matçda isə səfərdə “Barcelona”-ya 5:0 hesabı ilə məğlub olub.
İsveçrə çempionatına çox pis başlayan “Young Boys”, 9 həftədən sonra 6 xalla sonuncu pillədə qərarlaşıb.
