Bakı, 11 noyabr, Sporaz.tv
“Barcelona” nın (Barselona) baş məşqçisi Hans-Diter Flik zədəli futbolçusu Lamine Yamalın durumundan danışıb.
Sporaz.tv xəbər verir ki, təcrübəli mütəxəssis yarımmüdafiəçinin millinin heyətində oynamasına qarşı çıxıb:
“Düşünürəm ki, həkimlər Lamindən millidə oynamamağı xahiş edəcəklər. Kral Futbol Federasiyası ilə danışacağıq. Belə bir fürsət olsaydı, “Real Sosyedad”a qarşı oynayardı, amma olmadı. Ümid edirəm ki milli komandada düzgün qərar verəcəklər”.
Daha əvvəl məlum olmuşdu ki, 17 yaşlı futbolçu Çempionlar Liqasının “Srvena Zvezda” ilə oyununda (5:2) topuq nahiyəsində ciddi zədə alıb və bu səbəbdən İspaniya çempionatında bazar günü “Real Sosyedad”la oyunu (0:1) buraxıb.
Qeyd edək ki, İspaniya millisi Millətlər Liqasında Danimarka və İsveçrə komanda ilə qarşılaşacaq.
