Bakı, 5 noyabr, Sporaz.tv
“Real Madrid“-in ulduzu Vinicius Junior üçün Səudiyyə Ərəbistanından böyük bir transfer gələ bilər. “Al Hilal”-ın Vinicius Junior üçün təklifi reallaşarsa, braziliyalı futbolçu tarixin ən bahalı futbolçusu olacaq.
Sporaz.tv məlumat verir ki, “Real Madrid”-də ulduzu getdikcə parlayan Vinicius Junior, sürpriz transfer iddiası ilə gündəmə gəlib.
“Al Hilal“, Vinicius Junior üçün rekord təklif hazırlayır. Bu təklifin 300 milyon avro olacağı yazılıb.
Əvvəlki xəbərlərdə Vinicius Juniorun “Real Madrid” ilə müqaviləsini yeniləməyəcəyi iddia edilib.
Vinicius Junior indiyədək “Real Madrid”-in heyətində 279 rəsmi oyunda iştirak edib. Braziliyalı futbolçu komandasının heyətində 91 qol vurub, 82 məhsuldar ötürmə edib.
