Bakı, 20 noyabr, Sporaz.tv
“Sporting”in isveçli hücumçusu Viktor Gyökeres Avropanın ən güclü futbolçularından biridir. Son iki ildə çətin dayanan futbolçuya çevrilən 26 yaşlı ulduz bu mövsüm bütün yarışlarda artıq 32 qol vurub.
Sporaz.tv xəbər verir ki, Viktor Gyökeres ulduzları qabaqlayıb. Portuqaliyanın “Sporting” klubunda çıxış edən isveçli futbolçu bu mövsüm hər kəsi heyran edəcək bir performans nümayiş etdirir.
UEFA Millətlər C Liqasında İsveçin öz meydanında Azərbaycanı 6:0 hesabı ilə məğlub etdiyi matçda 26 yaşlı futbolçu 4 dəfə fərqlənib.
Uğurlu futbolçu bu mövsüm Millətlər Liqasında 6 matçda 9 qol vurub, 4 məhsuldar ötürmə edib.
Slovakiya ilə səfər matçında hesaba töhfə verə bilməyən Gyökeres İsveçin 16 xalla qrupu lider kimi başa vurmasına və B Liqasına yüksəlməsinə kömək edib.
Viktor Gyökeres həm Portuqaliya Liqasında, həm də millidə rəqiblərin kabusa çevrilib. İsveçli hücumçu “Sporting” forması ilə 18 matçda 23 qol vurub, 4 məhsuldar ötürmə edib.
Belə ki, Gyökeres mövsümün yarısı başlamamış bütün yarışlarda 32 qol vuraraq diqqətləri üzərinə çəkib. Bu xüsusi performansdan sonra isveçli oyunçunun hazırkı bazar dəyəri 70 milyon avroya yüksəlib.
Ötən mövsüm “Sporting”in Championship komandası “Coventry City”dən müqavilə imzaladığı ulduz hücumçunun klubu ilə 2028-ci ilə qədər müqaviləsi var.
Son iki mövsümdə dayanması çətin futbolçuya çevrilən Gyökeresi başda “Chelsea” olmaqla bir çox Premyer Liqa komandalarının transfer etmək istədiyi bildirilir.
Bahar Rüstəm
