Bakı, 11 noyabr, Sporaz.tv
Formula 1-də bütün diqqətlər noyabrın 24-də keçiriləcək Las-Veqas Qran Prisindədir.
Sporaz.tv xəbər verir ki, “Red Bull” pilotu Maks Verstappen 4-cü çempionluğu üçün trasa çıxacaq.
“Verstappen bütün zamanların ən yaxşı F1 sürücüləri arasında olmalıdır”,- deyə komandanın rəhbəri Cristian Horner bildirib.
Formula 1 dünya çempionatında mövsümün 21-ci yarışı olan Braziliya Qran Prisini qazanan Red Bull komandasının holland pilotu Maks Verstappen 4-cü dəfə çempion olmağa çox yaxındır.
Verstappen noyabrın 24-də Las Veqas Qran Prisində çempionluq uğrunda mübarizə aparacaq.
Verstappen yarışı ən yaxın rəqibi Lando Norrisdən qabaq başa vursa, Formula 1-də dördüncü çempionluğunu qazanacaq.
“O, yağışlı havada maşın sürməkdə Michael Schumacher qədər istedadlıdır”,- deyə Horner bildirib.
Keçmiş Formula 1 pilotu Timo Qlok da holland pilot haqqında yüksək fikirlər səsləndirib. Qlokun fikrincə, Verstappen yağışda maşın sürməyi Michael Schumacher qədər bacarır.
Hollandiyalı pilot Braziliya Qran Prisinə 17-ci yerdən başlayıb. Bununla belə, Verstappen yağışlı havaya baxmayaraq möhtəşəm performansı ilə Braziliyada damalı bayrağı görən ilk pilot olmağı bacarıb.
Məhəmməd Qasımov
