Bakı, 7 noyabr, Sporaz.tv
“Athletic Bilbao”-nun ulduzu Nico Williams bildirib ki, “Barcelona” oyunçuları yay boyu ona davamlı olaraq transfer mesajları göndəriblər.
Sporaz.tv məlumat verir ki, Yayda İspaniya Milli Komandası ilə Avropa çempionu olan və transfer dövründə adı bir çox komanda ilə hallanan Nico Williams, “Athletic Bilbao“-da qalmağa qərar verib.
İspaniyada yayımlanan “La Revuelta” proqramına müsahibə verən Williams, bu qərarın onun üçün çətin olduğunu və “Barcelona”-dakı oyunçulardan transfer mesajları aldığını bildirib.
Gənc futbolçu: “Çətin idi. Lamine Yamal və Alejandro Balde mənə davamlı olaraq “Barcelona”-ya gəlmək üçün mesajlar göndərirdilər. Bundan özümü xilas etmək çətindir. Azarkeşlərdən də mesajlar alıram. Çox adam deyir ki, get “Barcelona”-da “sizə ehtiyacımız yoxdur” deyənlər də var.”-deyə o, açıqlama verib.
