Bakı , 5 may , Sporaz.tv
“Samsunspor”a səfərdə 3:1 hesabı ilə uduzan “Trabzonspor”un qapıçısı Uğurcan Çakır qarşılaşmadan sonra rəqib komandanın çalışdırıcısı Markus Qisdola doğru hərəkət edərək kameralara tuş gəlib.
Sporaz.tv xəbər verir ki, Trendyol Super Liqasında “Yılport Samsunspor” – “Trabzonspor” matçından sonra “qırmızı-ağlılar”ın çalışdırıcısı Markus Qisdol qələbəni qeyd etmək üçün meydançaya yollanarkən “Trabzonspor”un kapitanı Uğurcan Çakır alman çalışdırıcıya müdaxilə edib.
Matçdan sonra təşkil edilən mətbuat konfransında Markus Gisdol :” Uğurcan Çakırla yaşananlar açıq-aydın çox da xoşagələn bir şey deyildi, amma meydanda qalsa daha yaxşı olar”.
Təcrübəli qapıçı Uğurcan Çakır da sosial media hesabında məsələ ilə bağlı paylaşım edib.
Çakır: “Bu, matçın atmosferində baş verən bir hadisədir. Baş məşqçim Markusdan üzr istəyirəm”.
Vüqar Alışov
