Bakı, 26 sentyabr, Sporaz.tv
“Qarabağ” UEFA Avropa Liqası liqa mərhələsinin ilk turu çərçivəsində səfərdə “Tottenham”-ın qonağı olub.
Sporaz.tv xəbər verir ki, yerli vaxtla saat 23:35-də “Tottenham Hotspur” stadionunda start götürən qarşılaşma rəqib komandanın 3:0 hesablı qələbəsi ilə başa çatıb.
Rəqib komandadan 12-ci dəqiqədə Brennan Johnson, 53-cü dəqiqədə Pape Matar Sarr, matçın 68-ci dəqiqəsində isə D. Solanke fərqlənib.
Qarşılaşmanın 7-ci dəqiqəsində Radu Drequşin qırmızı vərəqə ilə cəzalanıb. Beləliklə rəqib komanda mübarizəni 10 nəfərlə davam etdirib.
Qeyd edək ki, təmsilçimiz “Qarabağ” növbəti oyununu evdə “Malmö”-yə qarşı keçirəcək. Matç, 3 oktyabr yerli vaxt saat 20:45-də start götürəcək.
01:03
UEFA Avropa Liqasının Liqa mərhələsinin “Tottenham” – “Qarabağ” matçında rəqib komanda 3-cü qolunu atıb.
Sporaz.tv xəbər verir ki, “Tottenham Hotspur” stadionundakı matçın 68-ci dəqiqəsində D. Solanke komandasının 3-cü qoluna imza atıb.
Hazırda hesab 3:0-dır.
00:48
UEFA Avropa Liqasının Liqa mərhələsinin “Tottenham” – “Qarabağ” matçında rəqib komanda növbəti qolunu atıb.
Sporaz.tv xəbər verir ki, “Tottenham Hotspur” stadionundakı matçın 53-cü dəqiqəsində Pape Matar Sarr fərqlənib – 2:0.
Qeyd edək ki, London təmsilçisi meydanda 10 nəfərlə mübarizə aparır. 7-ci dəqiqədə Radu Drequşin qırmızı vərəqə ilə cəzalanıb.
00:24
UEFA Avropa Liqasının Liqa mərhələsinin “Tottenham” – “Qarabağ” matçında birinci hissə başa çatıb.
Sporaz.tv xəbər verir ki, rəqib komanda fasiləyə 1:0 üstünlüklə yollanıb.
Brennan Johnson, 12-ci dəqiqədə özünün və komandasının ilk qoluna imza atıb.
Qeyd edək ki, “Tottenham” oyunu 10 nəfər heyətlə davamç etdirir.
23:49
UEFA Avropa Liqasının Liqa mərhələsinin “Tottenham” – “Qarabağ” matçında hesab açılıb.
Sporaz.tv xəbər verir ki, “Tottenham Hotspur” stadionunda “Tottenham” 12-ci dəqiqədə hesabı açmağı bacarıb.
Qolun müəllifi Brennan Johnsondur.
Qeyd edək ki, qarşılaşmanın 7-ci dəqiqəsində Radu Drequşin Juninhoya qarşı kobud oyuna görə meydandan qovulub. Hazırda rəqib 10 nəfərlə mübarizəni davam etdirir.
23:35
UEFA Avropa Liqasının Liqa mərhələsinin “Tottenham” – “Qarabağ” matçı başlayıb.
Qarşılaşma “Tottenham Hotspur” stadionunda start götürüb.
Matç, CBC Sport-da canlı yayımlanır.
