Bakı, 3 oktyabr, Sporaz.tv
22:40
UEFA Avropa Liqasının Liqa mərhələsinin 2-ci turunda “Qarabağ” evində “Malmö”-ya məğlub olub.
Sporaz.tv xəbər verir ki, Tofiq Bəhrəmov adına Respublika stadionunda start götürən matç, qonaqların 1:2 hesablı qələbəsi ilə başa çatıb.
Qarşılaşmanın 15-ci dəqiqəsində hesabı Ağdam təmsilçisinin futbolçusu Juninho açıb.
Rəqib komandanın futbolçusu Erik Botheim 19-cu dəqiqədə komandasının ilk qolunu, 46-cı dəqiqədə isə qələbə qolunu ataraq, dubl müəllifi olub.
Beləliklə, təmsilçimiz avropa liqasında ikinci məğlubiyyətini alıb. İlk oyunda “Tottenham”a uduzan ”Qarabağ”, hələ ki, qələbə qazanmayıb.
Qeyd edək ki, Azərbaycan çempionu, Liqa mərhələsinin III turunda Niderlandın Ajax (Ayaks) komandası ilə üz-üzə gələcək. Bu oyun oktyabrın 24-də baş tutacaq.
22:11
UEFA Avropa Liqasının Liqa mərhələsinin 2-ci turu çərçivəsində baş tutan “Qarabağ”- “Malmö” matçında təmsilçimizin növbəti qolu qeydə alınmayıb.
Sporaz.tv xəbər verir ki, Tofiq Bəhrəmov adına Respublika stadionunda start götürən matçda Juninhonun 59-cu dəqiqə də atdığı zərbə qeydə alınmayıb.
Hazırda hesab 1:2-dir.
21:49
UEFA Avropa Liqasının Liqa mərhələsinin 2-ci turu çərçivəsində baş tutan “Qarabağ”- “Malmö” matçında isveç təmsilçisi hesabda irəli keçib.
Sporaz.tv xəbər verir ki, 47-ci dəqiqədə rəqib komanda növbəti qolunu vurub.
Erik Botheim dubl müəllifi olaraq,həm özünün, həm də komandasının 2-ci qoluna imza atıb.
21:48
UEFA Avropa Liqasının Liqa mərhələsinin 2-ci turu çərçivəsində baş tutan “Qarabağ”- “Malmö” matçında ikinci hissə başlayıb.
Sporaz.tv xəbər verir ki, Tofiq Bəhrəmov adına Respublika stadionunda baş tutan qarşılaşmanın ikinci hissəsi start götürüb.
Qeyd edək ki, birinci hissədə hər iki komanda hesabına xal yazdırmağı bacarıb.
21:31
UEFA Avropa Liqasının Liqa mərhələsinin 2-ci turu çərçivəsində baş tutan “Qarabağ”- “Malmö” matçında ilk hissə başa çatıb.
Sporaz.tv xəbər verir ki, Tofiq Bəhrəmov adına Respublika stadionunda start götürən qarşılaşmada klublar fasiləyə bərabərliklə yollanıblar.
Hesabı 16-cı dəqiqədə Ağdam təmsilçisinin futbolçusu Olavio Juninho açıb.
Matçın 19-cu dəqiqəsində isə rəqib komandanın oyunçusu Erik Botheim, atdığı dəqiq zərbə nəticəsində hesabı bərabərləşdirməyi bacarıb. 1:1
Qeyd edək ki, matç 20:45-də start götürüb.
21:04
“Qarabağ”ın, UEFA Avropa Liqasının Liqa mərhələsinin 2-ci turu çərçivəsində Bakıda, İsveçin “Malmö” klubunu qəbul etdiyi matçda hesab bərabərləşib.
Sporaz.tv xəbər verir ki, 19-cu dəqiqədə rəqib komanda hesabı bərabərləşdirməyi bacarıb.
Erik Botheim özünün və komandasının ilk qoluna imza atıb.
21:01
“Qarabağ”ın, UEFA Avropa Liqasının Liqa mərhələsinin 2-ci turu çərçivəsində Bakıda, İsveçin “Malmö” klubunu qəbul etdiyi matçda hesab açılıb.
Sporaz.tv xəbər verir ki, 15-ci dəqiqədə Ağdam təmsilçisi hesabı açmağı bacarıb.
Qolun müəllifi Olavio Juninhodur.
20:45
, UEFA Avropa Liqasının Liqa mərhələsinin 2-ci turu çərçivəsində “Qarabağ” Bakıda, İsveçin “Malmö” klubunu qəbul edib.
Sporaz.tv xəbər verir ki, Tofiq Bəhramov adına Respublika stadinonunda baş tutan matç 20:45-də start götürüb.
Matçı yunanıstanlı FIFA referisi Anastasios Papapetru idarə edir.
Bahar Rüstəm
