Bakı, 4 oktyabr, Sporaz.tv
Türkiyə milli komandasının, UEFA Millətlər B Liqasında Çernoqoriya və İslandiya ilə keçiriləcək oyunlar üçün namizəd heyəti açıqlanıb. “Stuttgart“(Ştutqart)-da çıxış edən Atakan Karazor ilk dəfə Türkiyə millisinə dəvət alıb.
Sporaz.tv məlumat verir ki, UEFA Millətlər B Liqasında Türkiyə milli komandası, Monteneqro və İslandiya ilə qarşılaşacaq. “Aypara Ulduzları”-nın baş məşqçisi Vincenzo Montella, matçlar öncəsi namizəd heyəti müəyyən edib.
“Stuttgart”-da çıxış edən 27 yaşlı yarımmüdafiəçi Atakan Karazor, ilk dəfə Türkiyə millisinə dəvət alıb. Digər tərəfdən “Eyüpspor”-da çıxış edən Ahmed Kutucu 2020-ci ildən sonra ilk dəfə millinin namizəd heyətində yer alıb.
Türkiyə, 11 oktyabr Cümə günü, saat 22:45-də Samsun Yeni 19 May Stadionunda Monteneqro ilə qarşılaşacaq. Aypara ulduzlu, komanda 14 oktyabr bazar ertəsi, saat 22:45-də Laugardalsvöllurda qonaq olacağı İslandiya ilə qarşılaşacaq.
