Bakı, 23 iyun, Sporaz.tv
“Fenerbahçe”nin Çempionlar Liqasının 2-ci ilkin mərhələdəki rəqibi “Lugano”nun çalışdırıcısı Torti Jose Mourinhoya heyran olduğunu bildirib.
“Lugano”nun baş məşqçisi Mattia Croci-Torti “Fenerbahçe”nin portuqaliyalı məşqçisinin onun üçün ilham qaynağı olduğunu bildirib.
Torti: “Matçdan sonra Mourinho ilə görüşmək mənim üçün çox xüsusi olacaq. “Mourinho mənim səyahətimdə mənim üçün ilham mənbəyi olub və olmaqda davam edir”-deyə bildirib.
“Əgər mən məşqçiyəmsə, bu həm də onun xarizması və karyeramın ilk illərində onu təqlid etmək istəyim sayəsindədir” dedi Torti. Onun “Chelsea”, “Porto” və “İnter”lə çempionları idarə edərkən əldə etdiyi uğur inanılmazdır. Hər iki oyunda onu on metr uzaqdan görmək valehedici olacaq”-deyə vurğulayıb.
Sarı-göylər iyulun 23 və ya 24-də İsveçrədə “Lugano” ilə qarşılaşacaq. İstanbuldakı cavab qarşılaşması iyulun 30 və ya 31-də oynanılacaq.
