Bakı, 22 iyul, Sporaz.tv
BƏƏ komandasından sloveniyalı atlet Tadej Pogacar, dünyanın ən nüfuzlu idman yarışlarından biri hesab edilən “Tour de France”ın qalibi olub.
Sporaz.tv məlumat verir ki, 111-ci dəfə keçirilən turun 21-ci və sonuncu mərhələsi 33,7 kilometrdən ibarət olan Monaco və Nice arasında keçib. İyunun 29-da başlayan və 23 gün davam edən turda Pogacar, son pilləni zirvədə başa vuraraq 6-cı mərhələ qələbəsini qazanıb.
Pogacar, ümumi təsnifatda 83.38.56 göstərici ilə 2020 və 2021-ci illərdən sonra üçüncü qələbəsini qazanaraq, ən yaxın rəqibini 6 dəqiqə 17 saniyə qabaqlayıb.
Ümumi təsnifatda ikinci Jonas Vingegaard, üçüncü isə Remco Evenepoel olub.
Monaco və Nice arasında keçirilən son mərhələdə 45,24 xalla zirvədə olan Pogacardan sonra Jonas Vingegaard 46,27 xalla ikinci, Remco Evenepoel 46,38 xalla üçüncü yeri tutub.
Digər tərəfdən bu təşkilatın əfsanəsi və dünyanın ən önəmli velosiped idmançılarından biri olan Böyük Britaniyalı Mark Cavendish, Monaco-Nice mərhələsi ilə velosiped karyerasını başa vurub. “Tour de France”da 15-ci dəfə yarışan və ən çox mərhələ qazanan 39 yaşlı idmançı, peşəkar velosiped karyerasını bu mərhələ ilə sonlandırıb.
Turu çempionluqla başa vuran Pogacar, xoşbəxtliyini təsvir edə bilməyəcəyini bildirib.
Fransada çox çətin 2 il keçdiyini bildirən Poqacar bunları deyib:
“Mən çox xoşbəxtəm, necə xoşbəxt olduğumu təsvir etmək çətindir. Bu il səhvlərimi azaltmağa, hər şeyi mükəmməl etməyə çalışdım. Özümü bu dünyadan kənarda xoşbəxt hiss edirəm. Həmişə nəzarətdə idim, bu, ilk böyük tur idi. Komandamdan böyük dəstək aldım.”-deyə hisslərini ifadə edib.
