Bakı, 8 noyabr, Sporaz.tv
Andrea Stella, “McLaren“-in bu mövsüm peşman olduğu yeganə yarışın Maks Verstappen və Lando Norrisin son dövrələrdə təmas etdiyi Avstriya QP-si olduğunu açıqladı.
Sporaz.tv xəbər verir ki, Avstriya Qran Prisində Maks Verstappen və Lando Norris 64-cü dövrədə mübarizə apararkən qarşılaşıblar. Təmasdan sonra hər iki pilotun təkərləri partlasa da, Norris maşınına ziyan vurduğu üçün yarışdan geri çəkilib və Verstappen 10 saniyəlik cəza alıb.
“McLaren” pilotu xal aldığı halda Verstappen yarışı beşinci yerdə başa vurub.
10 yarışdan sonra McLaren komandasının rəhbəri Andrea Stella Avstriya Qran Prisindəki həmin anı bu mövsüm Verstappen ilə mübarizəsinə görə yeganə “peşmanlığı” kimi qeyd edib.
Stella San-Pauluda mətbuata açıqlamasında “Etdiyimiz işi davam etdirmək istəyirik, düşünürəm ki, Avstriyadakı yarışdan bununla bağlı bəzi dərslər aldıq. Avstriyada əldən verdiyimiz xallara görə həqiqətən təəssüflənirik, çünki Verstappenlə qəzaya uğrayıb yarışı tərk etdik. Bundan başqa, peşman deyilik. Biz hələ də Ostindəki qərarların düzgün olmadığına inanırıq, lakin hakimlərə hörmət edirik. Ostində bu vəziyyəti düzəltmək üçün nəzərdən keçirməyə çalışdıq, lakin bu baş vermədi. Biz ədalətli, düzgün və idmanla yarışırıq. Nəhayət, belə yaxın yarışlarda üçüncü tərəf var, o da hakimlərdir. Biz onlara güvənirik. Məncə, Meksikada bu, çox yaxşı işlədi və yaxşı yarış keçirdi”,- dedi.
Məhəmməd Qasımov
