Bakı, 28 iyun, Sporaz.tv
Almaniyanın ev sahibliyi edəcəyi 2024-cü il futbol üzrə Avropa çempionatının (AVRO-2024) son 16 turunun oyunlarına sabah start veriləcək.
Sporaz.tv xəbər verir ki, A qrupunda Almaniya və İsveçrə, B qrupunda İspaniya və İtaliya, C qrupunda İngiltərə və Danimarka, D qrupunda Avstriya və Fransa, E qrupunda Rumıniya və Belçika, F qrupunda isə Portuqaliya və Türkiyə ilk ikinci sırada yer alaraq, adlarını son 16 tura yazdırıb.
Sloveniya, Hollandiya, Slovakiya və Gürcüstan da ilk 4 qrup üçüncü yerləri arasında yer alaraq son 16 tura vəsiqə qazanıblar.
Qalib komandanın 1/4 finala yüksələcəyi mərhələ sabah 2 yarışla başlayacaq. İsveçrə və İtaliya saat 20:00-da, Almaniya və Danimarka isə saat 23:00-da üz-üzə gələcək.
Türkiyə Milli komandası son 16 turda Avstriya ilə qarşılaşacaq.
F qrupuna Gürcüstan üzərində 3:1 hesablı qələbə ilə başlayan ay-ulduzlu komanda ikinci oyununda Portuqaliyaya 3:0 hesabı ilə uduzub. Türkiyə millisi qrupun son oyununda Çexiyaya 2:1 hesabı ilə qalib gəlib.
Son 16 turun oyunları və oyun cədvəli belədir:
Şənbə, 29 iyun:
20:00 İsveçrə-İtaliya (Berlin Olimpiya Stadionu)
23:00 Almaniya-Danimarka (BVB Stadium-Dortmund)
Bazar, 30 iyun:
20:00 İngiltərə-Slovakiya (AufSchalke Arena-Gelsenkirchen)
23:00 İspaniya-Gürcüstan (Köln Stadionu)
Bazar ertəsi, 1 iyul:
20:00 Fransa-Belçika (Düsseldorf Arena)
23:00 Portuqaliya-Sloveniya (Frankfurt Arena)
Çərşənbə axşamı, 2 iyul:
20:00 Rumıniya-Hollandiya (Münhen Futbol Arenası)
23:00 Avstriya-Türkiyə (Leypsiq Stadionu)
