Bakı, 13 avqust, Sporaz.tv
“Fenerbahçe“nin planları arasında yer almayan Luan Peresin yeni ünvanı maraq doğurur. Luan Peresin ölkəsinə qayıdacağı xəbərinə Braziliyada yeni xəbər əlavə olunub.
Sporaz.tv məlumat verir ki, “Fenerbahçe”nin “Marsilya“dan 5,23 milyon avroya transfer etdiyi Luan Peres zədə səbəbindən müntəzəm oynamaq şansı qazanmayıb.
Jose Mourinhonun yeni mövsüm planları arasında yer almayan Luan Peresin “Fenerbahçe”dən ayrılacağı dəqiq hesab edilsə də, təcrübəli müdafiəçinin yeni ünvanının harda olacağı maraq doğurur.
Bir müddətdir Braziliya mətbuatında Luan Peresin ölkəsinə dönəcəyi ilə bağlı xəbərlər getsə də, bunlara yenisi əlavə edilib.
Braziliya A Seriyasının son çempionu “Palmeiras“ın solayaqlı müdafiəçi axtarışında olduğu və Luan Peres üçün cəhdlər etdiyi bildirilib.
Luan Peresin müqaviləsinin son ilində olmasının transferə yol açdığı vurğulanıb.
Palmeirasın braziliyalı müdafiəçini bir müddət gündəmdə saxladığı və baş məşqçi Abel Ferreyranın Luan Peresi bəyəndiyi xəbərlərdə təfərrüatlı idi.
Yenə xəbərlərdə bildirilib ki, hazırda “Fenerbahçe” ilə “Palmeiras” arasında heç bir anlaşma yoxdur.
Ötən mövsüm Luan Peres UEFA Avropa Konfransı Liqasının seçmə mərhələsində Zimbru və Maribor matçlarında cəmi 90 dəqiqə oynayıb.
