Bakı, 17 oktyabr, Sporaz.tv
“Milan” və “Everton”-un “Beşiktaş“-ın gənc istedadı Semih Kılıçsoyu transfer etmək istədiyi iddia edilib. Alman mətbuatında çıxan xəbərlərdə Semih Kılıçsoyun transferi üçün təklif edilən rəqəmlərdə yer alıb.
Sporaz.tv məlumat verir ki, “Beşiktaş”-ın baş məşqçisi Giovanni van Bronchorstun son həftələrdə ilk 11-likdə şans vermədiyi Semih Kılıçsoya Avropadan taliblərin olduğu iddia edilib.
İtaliyanın “Milan” komandası və Premyer Liqa təmsilçisi “Milan” Semih üçün “Beşiktaş”-a təklif göndərib.
Xəbərdə, “Milan”-ın 19 yaşlı futbolçuya heyətinə qatmaq üçün 12 milyon avro təklif etdiyi, “Everton”-un təklifinin də eyni səviyyədə olduğu iddia edilib. Ancaq “Beşiktaş”-ın hər iki komandadan imtina etdiyi bildirilib.
Qara-ağlar Semih Kılıçsoyun satışından 25-30 milyon avro arasında gəlir gözlədiyi qeyd edib.
