Bakı, 13 noyabr, Sporaz.tv
Al Nassr (Əl-Nəsr) və Portuqaliya millisinin hücumçusu Cristiano Ronaldo millidə oynamaqdan imtina edən futbolçuları tənqid edib.
Sporaz.tv xəbər verir ki, ulduz futbolçu milliyə dəvətdən imtina edən futbolçuların bu qərarından məyus olduğunu bildirib:
“18 yaşımda milli komandaya gələndə bu, ən böyük arzum idi. Bu qədər kubok qazandıqdan sonra belə, milli komandada oynamaqdan, ölkənizi, mədəniyyətinizi, dostlarınızı təmsil etməkdən gözəl bir şey yoxdur. Buna görə də Portuqaliyanı təmsil etmək istəməyən bəzi oyunçuların qərarından məyus oldum”.
Qeyd edək ki, 39 yaşlı forvard 2003-cü ildən Portuqaliya millisində çıxış edir, 2008-ci ildən isə millinin kapitanıdı. Millinin heyətində keçirdiyi 215 matçda Ronaldo, 133 qol vuraraq komandanın bombardiri olub.
