Bakı, 27 iyun, Sporaz.tv
Almaniyanın ev sahibliyi etdiyi 2024-cü il Avropa Futbol Çempionatının (AVRO 2024) qrup oyunları tamamlanarkən bir çox uğur hekayələri yazılıb.
Sporaz.tv xəbər verir ki, AVRO-2024-də 24 komandanın mübarizə apardığı qrup mərhələsi başa çatıb.
Qruplarında ilk iki yeri tutan 12 komandanın və qruplarında ən yaxşı 4 üçüncü yeri tutan komandanın son 16 turda davam etdiyi turnir indiyə qədər qırılan rekordlarla tarixdə yerini aldı.
Türkiyə Milli Futbol Komandasının Gürcüstana qarşı ikinci qolunu vuran Arda Gülər 19 yaş 114 günlük olarkən Avropa çempionatı tarixində ilk matçında qol vuran ən gənc futbolçu olma rekordunu qırıb.
Bundan əvvəl bu rekord 19 il 128 günlə portuqaliyalı ulduz Cristiano Ronaldoya məxsus idi.
Çexiya ilə Türkiyə qarşılaşması turnir tarixində ən çox vəsiqə kart göstərilən qarşılaşma olub.
Rumıniyalı referi İstvan Kovacs matçda 16-sı sarı, 2-si qırmızı olmaqla 18 dəfə vərəqə üçün müraciət edib. Qarşılaşma zamanı Çexiya 5 sarı, 2 qırmızı, Türkiyə isə 11 sarı vərəqə alıb.
Almaniya millisi bu il sayca 17-ci dəfə keçirilən turnirin açılış matçlarında ən böyükhesablı qələbəsini qazanıb.
Son 16 Avropa Çempionatında ən fərqli hesab İtaliyanın AVRO-2020-də Türkiyəni 3:0 hesabı ilə məğlub etməsi olub.
Bundan əlavə, alman futbolçu Florian Wirtz 21 yaş 42 gündə Şotlandiyaya vurduğu qolla turnir tarixində ilk qolunu vuran və Almaniyanın heyətində Avropa Çempionatında qol vuran ən gənc oyunçu oldu. .
Almaniya millisinin baş məşqçisi Julian Nagelsmann turnir tarixinin ən gənc məşqçisi olub.
Nagelsmann 36 yaş 327 günlük Şotlandiya ilə qarşılaşmada komandasının başında meydana çıxıb.
İspan Lamine Yamal Xorvatiya ilə 16 yaş 338 gündə oynayaraq turnir tarixində oynayan ən gənc futbolçu adını qazanıb.
Daha əvvəl 17 yaş 246 gün ərzində turnirdə iştirak edən polşalı Kacper Kozlowski rekorda sahib olub.
İtaliya yığmasının qapısına 23-cü saniyədə qol vuran Nedim Bajrami Avropa çempionatı tarixinin ən sürətli qolunu vurub.
Əvvəlki rekord AVRO-2004-də Yunanıstana 67-ci saniyədə qol vuran rusiyalı oyunçu Dmitri Kirichenkoya məxsus idi.
Macarıstanlı futbolçu Dominik Szoboszlai çempionat tarixində ən gənc kapitan olub.
Szoboszlai 23 yaş 234 gündə İsveçrə ilə matçda Macarıstanı kapitanı olmaqla yeni rekorda imza atıb.
Portuqaliyanın ulduzu Cristiano Ronaldo AVRO 2024-də meydana çıxdı və 6 Avropa Çempionatında oynayan ilk futbolçu oldu.
Daha əvvəl AVRO-2004, 2008, 2012, 2016 və 2020-ci illərdə mübarizə aparan təcrübəli futbolçu həm də turnir tarixində ən çox oyun keçirən (28) və ən çox qol vuran (14) futbolçudur.
Portuqaliyanın müdafiəçisi Pepe Avropa çempionatı tarixinin ən yaşlı futbolçusu olub.
Pepe 41 yaş 117 günlük Türkiyə matçında oynayaraq Çexiya matçında vurduğu rekordu yeniləyib.
Təcrübəli oyunçu matçlarda geyindiyi boz rəngli idman kostyumu ilə futbolsevərlərin yaddaşında qalan macar qapıçı Gabor Kiralynin 40 yaş 86 günlük rekordunu qırıb.
Xorvatiyalı futbolçu Luka Modric İtaliyanın qapısına qol vuraraq Avropa çempionatının tarixinə düşüb.
Modric 38 yaş 289 gündə İtaliyaya vurduğu qolla Avropa çempionatı tarixinin ən yaşlı qolçusu olub.
Avropa çempionatı tarixində ilk dəfə olaraq hər dörd komanda qrupu eyni xalla başa vurub. E qrupunun oyunlarının yekununda Rumıniya, Belçika, Slovakiya və Ukrayna hərəyə 4 xal toplayıb.
AVRO 2024 təşkilat tarixində ən çox bilet müraciəti edilən və 50 milyondan çox müraciətlə turnir oldu. Turnirdəki 2,7 milyon biletdən təxminən 2,3 milyonu ümumi satışa və komanda azarkeşlərinə təklif edilib.
Bahar Rüstəm
