Bakı, 6 noyabr, Sporaz.tv
UEFA Avropa Liqasının Liqa mərhələsinin IV turunda baş tutacaq “Bodo Glimt”- “Qarabağ” oyunundan öncə mətbuat konfransı təşkil olunub.
Sporaz.tv xəbər verir ki, Qurban Qurbanov konfransda oyun öncəsi fikirlərini bölüşüb:
“Bodo Glimt” son vaxtlar qarşılaşdığımız ən intizamlı kollektivlərdən biridir. Rəqib komandanın heyətində meydana çıxacaq futbolçuların, demək olar ki, hər biri norveçlidir. Ümumiyyətlə, göstərdikləri nəticələrə görə son vaxtlar Norveç futbolunun yüksəlişdə olduğunu deyə bilərik. Bu komandanın özünə xas oyun üslubu var. Sabahkı matçda çox diqqətli olmalıyıq. Rəqibin üstün cəhətləri çoxdur. İnanıram ki, futbolçularımız meydanda əllərindən gələnin ən yaxşısını edəcəklər”.
Qeyd edək ki, UEFA Avropa Liqasının Liqa mərhələsinin IV turunun “Bodo Glimt” – “Qarabağ” oyunu noyabrın 7-də, saat 21:45-də başlayacaq.
