Bakı, 9 noyabr, Sporaz.tv
Builki “Qızıl top” mükafatlarında qazanılan xallar açıqlanıb. “Qızıl top”-a namizəd olan Hakan Çalhanoğlu 15 xal qazanıb. Ən yaxşı gənc futbolçuya verilən Kopa kubokunda ikinci olan Arda Gülər 26 xal toplayıb.
Sporaz.tv məlumat verir ki, “France Football”-un təşkil etdiyi “Qızıl top”-da futbolçuların bu il qazandıqları xallar açıqlanıb.
Oktyabrın 28-də keçirilən mərasimdə “Manchester City“(Mançester Siti)-nin ispaniyalı yarımmüdafiəçisi Rodri, bu mövsüm “Qızıl top”-un sahibi olub.
Birinci yeri tutan Rodrinin 1170 bal topladığı açıqlanıb. Bildirilib ki, ikinci yerdə olan kiçik Vinisius 1129, Jude Bellingham isə 917 xal toplayıb.
30 nəfərlik siyahıda yer alan türkiyəli futbolçu Hakan Çalhanoğlu isə 20-ci yerdə qərarlaşıb. Təcrübəli yarımmüdafiəçinin 15 xal topladığı açıqlanıb.
Arda Güler 21 yaşa qədər ən yaxşı gənc futbolçuya verilən Kopa Trophy-də ikinci yeri tutub.
Türkiyəli futbolçunun 26 xal aldığı açıqlansa da, mükafatın sahibi Lamine Yamal 113 xal toplayıb.
Siyahıda üçüncü yeri tutan Kobbi Mainounun 20 xal aldığı bildirilib.
