Bakı, 18 noyabr, Sporaz.tv
“Qarabağ” – “Lyon” (Lion) matçının biletləri sabah saat 12:00-dan satışa çıxarılacaq.
Sporaz.tv xəbər verir ki, UEFA Avropa Liqasının Liqa mərhələsi çərçivəsində keçiriləcək “Qarabağ” – “Lyon” (Fransa) oyununun biletləri noyabrın 19-u saat 12:00-dan etibarən satışda olacaq.
Tofiq Bəhramov adına Respublika stadionunda baş tutacaq matçın biletlərinin qiyməti müvafiq olaraq 5, 20, 30, 40, 75 və 150 manat təşkil edir.
VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlərimiz üçün biletlərin qiyməti isə 300 manatdır.
