Bakı, 18 oktyabr, Sporaz.tv
UEFA Avropa Liqasının Liqa mərhələsində keçiriləcək “Qarabağ” “Ajax” (Ayaks) oyununa bu günə qədər satılan biletlərin sayı açıqlanıb.
Sporaz.tv xəbər verir ki, matça 18.500 bilet satılıb. Biletlərin qiyməti müvafiq olaraq 5, 20, 30, 40, 75 və 150 manat arası dəyişir. Həmçinin, VVIP C və VVIP D sektorlara uyğun olaraq isə qiymət 300 AZN təşkil edir.
Biletləri İTicket.az-ın satış məntəqələri (iTicket.az-da onlayn), Park Bulvardakı “Qarabağ”FK-nın Fan-Şopu, eyni zamanda Tofiq Bəhramov adına Respublika stadionunun kassalarından əldə etmək mümkündür.
