Bakı, 9 noyabr, Sporaz.tv
Leonardo Jardim, Birləşmiş Ərəb Əmirliklərinin Al Ain (Əl Ayn) klubu ilə müqavilə imzalayıb.
Sporaz.tv xəbər verir ki, Hernan Crespo ilə yollarını ayıran Al Ain (Əl Ayn)-ın baş məşqçisi vəzifəsinə Leonardo Jardim gətirilib.
Birləşmiş Ərəb Əmirlikləri (BƏƏ) klubundan verilən açıqlamada, Jardim ilə 2025 FIFA Klublararası Dünya Çempionatının sonuna qədər müqavilə imzalandığı bildirilib.
Karyerasında “Braga”, “Olympiakos”, “Sporting Lissabon”, “Monaco” kimi klubları çalışdıran portuqaliyalı məşqçi, sonuncu dəfə Qətərin “Al Rayyan” komandasında fəaliyyət göstərib. 50 yaşlı mütəxəssis iyun ayından boş qalıb.
Leonardo Jardim, Ərəbistan yarımadasında əvvəllər Al Hilal (Əl-Hilal) (Səudiyyə Ərəbistanı) və Shabab Al-Ahli (Şabab Əl-Əhli) (BƏƏ) komandalarında çıxış edib.
