Bakı, 12 iyun, Sporaz.tv
Türkiyənin AVRO-2024-dəki rəqiblərindən olan Portuqaliya millisi yoldaşlıq görüşündə İrlandiyanı 3:0 hesabı ilə məğlub edib.
Sporaz.tv xəbər verir ki, 14 iyun-14 iyul tarixlərində Almaniyanın ev sahibliyi edəcəyi AVRO 2024-də Türkiyə ilə F qrupunda yer alan Portuqaliya millisi Aveyroda yoldaşlıq görüşündə İrlandiya Respublikasını qəbul edib.
Portuqaliya millisi yoldaşlıq görüşündə İrlandiya Respublikasına 3:0 hesabı ilə qalib gəlib.
Portuqaliya forması ilə AVRO-2024-də 6-cı dəfə Avropa Futbol Çempionatında meydana çıxacaq ulduz hücumçu Cristiano Ronaldo, 2 qol vurub.
Portuqaliya ilk hissəni 18-ci dəqiqədə Joao Feliksin qolu ilə 1:0 öndə bağladı. Ronaldo 50 və 60-cı dəqiqələrdə vurduğu qollarla fərqi 3-ə çatdırıb.
Qarşılaşmada başqa qol olmadığı üçün Portuqaliya 3:0 hesabı ilə qalib gəlib.
