Bakı, 16 iyul, Sporaz.tv
Galatasaray (Qalatasaray)-ın yeni mövsüm planlarında yer almayan Sergio Oliveira ilə Braganın maraqlandığı iddia edilib. Portuqaliya mətbuatı bu iddiaları təkzib etsə də, Oliveiranın formasını geyinməyə razı olacağı Portuqaliya komandasının adını çəkdi.
Sporaz.tv xəbər verir ki, Portuqaliya mətbuatından Record, Galatasaray (Qalatasaray)-ın heyət planında yer almayan Sergio Oliveira ilə bağlı yeni iddia irəli sürüb.
BraGanın Oliveira ilə maraqlanmadığını bildirən Record, Oliveiranın Portuqaliyaya getdiyi təqdirdə yalnız keçmiş klubu Portoda oynaya biləcəyini qeyd edib.
Sergio Oliveira Galatasaray (Qalatasaray)-ın heyətində 58 rəsmi oyun keçirib. 32 yaşlı futbolçu, bu matçlarda 6 qol vurub, 7 məhsuldar ötürmə edib.
