Bakı, 13 iyun, Sporaz.tv
“Beşiktaş“ın transfer danışıqlarına başladığını açıqladığı braziliyalı müdafiəçi Qabriel Paulista, İstanbula gəlib.
Sporaz.tv xəbər verir ki, Beşiktaş müdafiəyə transferdə ilk gedişini etdi. Qara-ağlılar 33 yaşlı braziliyalı müdafiəçi Qabriel Paulistanı İstanbula gətirib.
San-Pauludan İstanbula gələn təcrübəli futbolçunu “Beşiktaş” klubu rəsmiləri qarşılayıb.
“Beşiktaş”ın köynəyi ilə hava limanından ayrılan 33 yaşlı braziliyalı müdafiəçi mətbuata qartal jesti ilə poz verib.
İstanbul Hava Limanına çatdıqdan sonra Paulista qalacağı otelə köçüb.
Təcrübəli müdafiəçinin səhhəti yoxlanıldıqdan sonra 2+1 illik rəsmi müqavilə imzalanacağı gözlənilir.
“Atletiko Madrid”də çıxış edən Qabriel Paulista “Valensiya”, “Arsenal”, “Vilyarreal” və “Vitoria”nın da formasını geyinib.
