Bakı, 9 sentyabr, Sporaz.tv
“Barcelona“(Barselona)-nın və “Tottenham“(Tottenhem)-ın keçmiş yarımmüdafiəçisi Paulinho 36 yaşında futboldan ayrıldığını açıqlayıb.
Sporaz.tv məlumat verir ki, Paulinho sosial media hesabında paylaşım edərək futbolçu karyerasına son qoyub.
Braziliyalı futbolçu paylaşdığı videoda “Təşəkkür edirəm futbol” başlığından istifadə edib.
Karyerasına Braziliyanın GO Audax komandasında başlayan Paulinho daha sonra “Vilnius”, “LKS Lodz”, “Bragantino“, “Coimbra” və “Corinthians” komandalarında çıxış edib.
2013/14 mövsümündə İngiltərə Premyer Liqa komandası “Tottenham”-a transfer olan braziliyalı futbolçu “Barcelona”, “GZ Evergrande” və “Al-Ahli” klublarında da çıxış edib.
Paulinho sonuncu dəfə “Corinthians”-da çıxış edib. Karyerası boyunca 609 matça çıxan Paulinyo 155 qol vurub, 56 məhsuldar ötürmə edib.
