Bakı, 17 oktyabr, Sporaz.tvy
Paul Pogba, “Juventus”(Yuventus)-un yeni 10 nömrəsi Kenan Yıldız üçün tərif dolu sözlər söyləyib.
Sporaz.tv məlumat verir ki, Fransız ulduz Paul Pogba, “Juventus“-dakı komanda yoldaşı Kenan Yıldız üçün tərif dolu sözlər deyib.
Daily Mail-ə açıqlama verən 31 yaşlı futbolçu, türkiyəli ulduzu bəyəndiyini bildirib. Bu mövsüm İtaliya nəhəngi “Juventus”-da 10 nömrəli forma Kenan Yıldıza verilib.
Pogba komanda yoldaşı Kenan Yıldız haqqında: “Kenan Yıldız, 10 nömrəli formaya layiqdir. O, hazırda dünyanın ən yaxşı gənclərindən biridir. Kenanı ilk dəfə məşqdə görəndə: “Aman Allahım, bu, dedim. Uşağın daimi olaraq A komandasının heyətində olması lazımdır. Mən onu sevirəm, o, xüsusi biridir.”- deyib.
Türkiyə millisinin əvəzolunmaz futbolçularından olan Kenan Yıldız bu mövsüm “Juventus”-un heyətində 9 matçda meydana çıxıb və 1 qol, 2 məhsuldar ötürmə ilə yadda qalıb.
