Bakı, 12 oktyabr, Sporaz.tv
İtaliya A Seriyasının komandalarından olan Romada çıxış edən Nicola Zalewski “Galatasaray“(Qalatasaray)-dan yaxşı təklif aldığını bildirib. Zalewski ailəsi ilə danışdıqdan sonra İtaliya komandasında qalmağa qərar verdiyini bildirib.
Sporaz.tv məlumat verir ki, “Galatasaray”-ın yay transfer dönəmində heyətinə qatmaq istədiyi adlardan biri olan Nicola Zalewski ölkəsinin TVP Spor kanalına müsahibəsində transfer dövründə baş verənlərdən və Romadakı heyətə qayıtma prosesindən danışıb.
Roma heyətinə qayıtdığı üçün xoşbəxt olduğunu bildirən Zalewski: “Romada vəziyyətin necə olduğunu, daha doğrusu, hansı vəziyyətdə olduğunu hamımız bilirik. Son matçda oynadım, komandaya qayıtdım və xoşbəxtəm çünki Mən sadəcə futbol oynamaq və əylənmək istəyirəm. Menecerim klubla başqa məsələləri müzakirə edəcək”. dedi.
Transfer dönəmində “Galatasaray”-dan yaxşı təklif aldığını bildirən gənc futbolçu: “Yalan danışmaram, transfer çox yaxın idi. Yaxşı təklif aldım, amma bir müddət düşündüm. Mən ailəmlə danışdım və düşünürəm ki, mənim üçün ən yaxşısını etdim.”.- açıqlamasını verib.
“Roma” infrastrukturundan böyüyən Nicola Zalewski, 2021-ci ildə Jose Mourinho dövründə A komandasına yüksəldi. Polşalı futbolçunun müqaviləsi bu yay başa çatacaq.
Cari mövsüm “Roma”-nın heyətində 4 oyuna çıxan 22 yaşlı futbolçu karyerası ərzində 183 matçda 25 qol vurub, 25 məhsuldar ötürmə edib.
