Bakı, 12 sentyabr, Sporaz.tv
“Galatasaray“(Qalatasaray)-ın heyətinə qatmaq istədiyi adlardan biri olan Nicola Zalewskinin Romada qalmağa qərar verdiyi bildirilib.
Sporaz.tv məlumat verir ki, “Galatasaray” Super Liqada transfer dövrünün bitməsinə az qalmış işini davam etdirir.
Sarı-qırmızılı komandanın transfer gündəmindəki adlardan biri olan Nicola Zalewski gələcəyi ilə bağlı qərar verib.
Bildirilib ki, “Galatasaray”ın təklifi yaxşı olsa da, Zalewski komandada qalmağa qərar verib. “Roma”nın “Galatasaray”-la transferdə razılaşdığı, lakin Zalewskinin ayrılmaq niyyətində olmadığı bildirilirdi.
“Galatasaray”-ın digər transfer namizədlərinin Fode Ballo Ture və Mario Rui olduğu bildirilir.
“Roma” klubunda böyüyən Nicola Zalevski, 2021-ci ildə A komandasına yüksəlib.
Bu mövsüm Romada 3 oyun keçirən Zalewskinin müqaviləsi 2025-ci ildə başa çatır. Zalewski, karyerası ərzində 182 matçda oynayarkən 25 qol vurub və 25 məhsuldar ötürmə edib.
