Bakı, 5 noyabr, Sporaz.tv
“Galatasaray“(Qalatasaray), “Napoli”-dən icarəyə götürdüyü Victor Osimhenin transfer haqqını almaq üçün hərəkətə keçib. Sarı-qırmızılar büdcəni tənzimləyə bilsələr, nigeriyalı hücumçunu heyətinə qatacaqlar. “Napoli”-nin idman direktoru Giovanni Manna, “Galatasaray”-ın Osimenin transferi üçün nə etməli olduğunu deyib.
Sporaz.tv məlumat verir ki, “Galatasaray”, Avropada yay transfer pəncərəsi başa çatdıqdan sonra Victor Osimheni “Napoli“-dən icarəyə götürüb.
Nigeriyalı hücumçu, sarı-qırmızıların heyətində 7 matçda 4 qol vurub, 4 məhsuldar ötürmə edib. Bu müddətdə Osimhen “Fenerbahçe”(Fənərbaxça) ilə oyunda məhsuldar ötürmə edib, “Beşiktaş”-a qol vurub.
Osimhenin performansı, “Galatasaray” idarəçilərini həyəcanlandırıb və nigeriyalı hücumçunun transfer haqqını almaq üçün hərəkətə keçib.
“Galatasaray” idarəçiləri, 50 milyon avroya yaxın Osimheni heyətinə qatmaq istəsələr də, Napoli cəbhəsi buna razı deyil.
“TRT Spor”-a danışan “Napoli”-nin idman direktoru Giovanni Manna, “Galatasaray”-ın transferi yerinə yetirməsi şərtini açıqlayıb.
Manna, “Galatasaray, 75 milyon avroluq xalis ödənişi ödəməsə, Osimheni ala bilməz”-dedi.
