Bakı, 24 iyul, Sporaz.tv
“Qarabağ” klubunun futbolçusu Musa Qurbanlı əməliyyat olunacaq.
Sporaz.tv “Report”-a istinadən xəbər verir ki, klub rəsmisi futbolçunun zədəsi haqqında danışıb:
“Musa Qurbanlı Cəbəllütariqə getməmişdən öncə Avstriyada keçirilən son yoxlama oyununda menisk nahiyəsindən zədələnmişdi. O, yəqin ki, qarşıdakı bir-iki gün ərzində əməliyyat oluncaq. Komandaya isə 4-6 həftəyə dönəcək”.
Qeyd edək ki, Musa Qurbanlı “Qarabağ”a bu yay İsveçin Djurgårdens (Yurqorden) klubundan transfer olunub. 22 yaşlı hücumçu ilə 3 illik müqavilə bağlanıb.
