Bakı, 22 avqust, Sporaz.tv
Jackson Mulekanın transferi üçün “Beşiktaş“ın Səudiyyə Ərəbistanının “Al-Kholood” komandası ilə anlaşdığı bildirilib. “Qara-ağlar”ın Mulekanın gedişindən sonra “Chelsea“(Çelsi)-dən Angelonu heyətinə qatacağı gözlənilir.
Sporaz.tv məlumat verir ki, Beşiktaş transfer cəhdlərini davam etdirir və qısa müddətdə Jackson Muleka ilə yollarını ayıra bilər.
“Beşiktaş”ın Mulekanın transferi üçün Səudiyyə Ərəbistanının liqa komandalarından “Al-Kholood”la anlaşdığı və icarə haqqı olaraq 1 milyon avro ödəniləcəyi bildirilib.
Bildirilib ki, Al-Kholood liqada qalsa, Səudiyyə Ərəbistanı komandası daha 1,5 milyon avro ödəyəcək və Mulekanın transfer haqqını alacaq.
Xəbərdə, “Beşiktaş”ın Jackson Muleka ilə yollarını rəsmən ayırdıqdan sonra Angelonu icarə əsasında heyətinə qatacağı qeyd edilib.
Bundan başqa, “Beşiktaş” Braziliya futbolunun satın alınması variantı üçün “Chelsea” ilə danışıqları davam etdirir.
Ötən gün Beşiktaşda keçirilən sponsorluq müqaviləsinin imzalanma mərasimində Hasan Arat, transferlə bağlı açıqlamalar verib.
Arat transferi gündəmdə olan “Chelsea”nin futbolçusu Ancelo Gabriellə bağlı sualı belə cavablandırıb: “Prinsip olaraq adları açıqlamırıq. Avropada transferlər avqustun sonunda bağlanır. Düşünürük ki, 15 gün ərzində çox mühüm imkanlar yaranacaq. Heç bir böyük hərəkət etməyəcəyik. Hərəkətlər aydındır. Bizə 3 oyunçu lazımdır. Son 15 gündən yaxşı istifadə etmək istəyirik. Matçlarımız önəmlidir”- cavab verdi.
