Bakı, 11 noyabr, Sporaz.tv
Azərbaycan milli komandasının heyətində zədə səbəbindən dəyişiklik baş verib.
Sporaz.tv AFFA-nın rəsmi saytına istinadən xəbər verir ki, millimizin futbolçusu Rüstəm Əhmədzadə klubu “Zirə”nin heyətində zədələndiyi üçün heyətdən uzaqlaşdırılıb. Onun əvəzinə “Qarabağ”ın hücumçusu Musa Qurbanlı milliyə dəvət alıb.
Qeyd edək ki, komandamız UEFA Millətlər Liqasının qrup mərhələsi çərçivəsində noyabrın 16-da Qəbələdə Estoniya yığması, noyabrın 19-da isə Solnada İsveç seçməsi ilə qarşılaşacaq.
