Millimiz Rusiya yığması ilə üz-üzə gələcək

Bakı, 20 noyabr, Sporaz.tv

Qadınlardan ibarət milli komandamız Rusiya yığması ilə 2 yoldaşlıq oyunu keçirəcək.

Sporaz.tv xəbər verir ki, Rusiya komandası Soçidə təlim-məşq toplanışında yığmamızla üz-üzə gələcək. İlk matç noyabrın 28-də “Fişt” stadionunda olacaq. 2-ci görüş isə dekabrın 2-də “Soçi” klubunun məşq bazasında  oynanılacaq. Matçlar Bakı vaxtı ilə saat 18:00-da başlayacaq.

Azərbaycanın qadınlardan ibarət millisi hazırda FİFA reytinqində 75-ci pillədə qərarlaşıb.