Bakı, 18 oktyabr, Sporaz.tv
İspaniyanın “Marca” nəşri futbol tarixinin ən yaxşı futbolçularının adlarını açıqlayıb.
Sporaz.tv xəbər verir ki, siyahının birinci pilləsində Argentina millisinin və ABŞ-ın İnter Miami (İnter Mayami) klubunun ulduz oyunçusu Lionel Messi yer alıb. Bununla da “Marca” nəşri Messiyə “Futbol tarixinin ən titullu oyunçusu” adlı xüsusi mükafat təqdim edib.
Səudiyyə Ərəbistanının Al Nassr (Əl-Nəsr) klubunun portuqaliyalı üzvü Cristiano Ronaldo ikinci pillədə, üçüncü pillədə isə braziliyalı əfsanəvi hücumçu Pele qərarlaşıb.
Qeyd edək ki, Messi ötən yaydan İnter Miami (İnter Mayami)-də çıxış edir. Məhşur futbolçu bundan əvvəl “PSG” və “Barcelona” formalarını tərlədib.
