Bakı, 17 noyabr, Sporaz.tv
“Galatasaray“ın ulduzu Mauro İcardinin Wanda Nara ilə sensasiyalı münasibətinin əks-sədaları davam edərkən, futbolçunun meneceri açıqlamalar verib. Wanda Naranın İcardinin karyerasına mənfi təsir etdiyini deyən menecer diqqəti çəkən açıqlamalar verib.
Sporaz.tv xəbər verir ki, “Galatasaray”ın argentinalı hücumçusu Mauro İcardinin meneceri Pino Elio Letterio futbolçunun hər zaman gündəmdə olan Wanda Nara ilə münasibətinə toxunub.
İcardinin karyerasında bəzi ardıcıllıqlara görə Wanda Naranı günahlandıran menecer diqqətçəkən sözlər işlədib. “Sabah” qəzetinə danışan Letterionun açıqlamaları belədir:
“Galatasaray İcardinin karyerasında ən yaxşı seçimdi. O, İstanbulda çox xoşbəxtdir. Heç kim onun “Galatasaray”a olan sevgisini şübhə altına almasın.
Wandanın həyatında olması tam bir bədbəxtlikdir, çünki o, milli komandanın qapılarını onun üzünə bağlayıb və onun sensasiyalı həyatı ilə ardıcıl uğur qazanmasına maneə qoyub. O, həyatında problemlər yaratdı və onun daha uğurlu futbolçu olmasına mane oldu”.
Bahar Rüstəm
