Bakı, 1 noyabr, Sporaz.tv
Braziliya A seriyasında keçirilən “Fluminense” – “Gremio” matçında maraqlı məqam yaşanıb. “Fluminense”-nin təcrübəli sol cinah müdafiəçisi Marcelo, oyuna girməyə hazırlaşarkən məşqçisi ilə dialoqdan sonra ehtiyat oyunçular skamyasına geri göndərilib.
Sporaz.tv məlumat verir ki, Braziliya A Seriyasında “Fluminense” və “Gremio” üz-üzə gəlib. Matçın son dəqiqələri maraqlı səhnə ortaya çıxıb.
“Fluminense”-nin baş məşqçisi Mano Menezes 90-cı dəqiqədə 2-1 öndə olan Marcelonu oyuna çıxarmaq üçün çağırıb.
Marsclo matça girmək üçün meydana çıxanda məşqçisi ilə söhbət edib. Çıxışdan sonra əsəbiləşdiyi müşahidə edilən Menezes Marceloya reaksiya verib və təcrübəli sol cinah müdafiəçisini gözləmə otağına geri göndərib.
Yayımda əks olunan bu anlar sosial şəbəkələrdə təəccüblə qarşılanıb.
