Bakı, 6 oktyabr, Sporaz.tv
Premyer Liqada “Aston Villa” və “Manchester United” qolsuz bərabərə qalıb. Bu nəticə ilə “Aston Villa” ardıcıl ikinci, “Manchester United” isə üçüncü dəfə xal itirib.
Sporaz.tv xəbər verir ki, İngiltərə Premyer Liqasının 7-ci turunun oyununda “Aston Villa” və “Manchester United” komandaları üz-üzə gəlib.
İlk 45 dəqiqə qolsuz başa çatdıqdan sonra ikinci hissənin böyük hissəsi də qolsuz keçdi. “Manchester United”in 68-ci dəqiqədə Bruno Fernandesin yerinə yetirdiyi cərimə zərbəsi dirəyə dəyib.
Qalan dəqiqələrdə bərabərlik qorunsa da, hər iki komanda meydanı 1 xalla tərk edib. Bu nəticə ilə “Aston Villa” xallarını 14-ə, “Manchester United” isə xallarını 8-ə yüksəldib.
“Manchester United” Premyer Liqada keçirdiyi son 3 matçda xal itirib. “Kristal Pelas”la səfərdə qolsuz bərabərə qalan Erik ten Haqın komandası “Aston Villa” matçından da eyni hesabla ayrılıb. “Manchester United” ötən həftə Old Traffordda keçirilən matçda “Tottenham”ə 3:0 hesabı ilə uduzub.
“Aston Villa”, “Manchester United”lə matçla ardıcıl ikinci dəfə liqada xal itirib. Çempionlar Liqasında həftə ərzində “Bayer Munich”nı məğlub edən “Aston Villa” ötən həftə “Ipswich Town”a xal itirib.
Bahar Rüstəm
