Bakı, 21 oktyabr, Sporaz.tv
“Bayer Leverkuzen”in hücumçusu Victor Boniface (Viktor Bonifes) dostları ilə hava limanına gedərkən qəzaya uğrayıb.
Sporaz.tv xəbər verir ki, bu barədə “Bild” nəşri məlumat yayıb.
Bildirib ki, oyunçu sərnişin oturacağında əyləşib. Avtomobilin sürücüsü yorğun olduğu üçün idarəetməni itirib və nəqliyyat vasitəsi digər yola çıxaraq qarşıdan gələn yük maşınına çırpılıb. Nəticədə futbolçunun olduğu avtomobil aşıb.
23 yaşlı nigeriyalı xəstəxanaya çatdırılıb. Klub forvardın yalnız əlindən yüngül zədə aldığını bildirib.
Məlumata görə, yük maşınının sürücüsü xəsarət almayıb.
Viktor Boniface (Viktor Bonifes) bu mövsüm Leverkuzen təmsilçisinin heyətində 10 keçirib və 7 qol vurub.
Qeyd edək ki, Almaniya çempionatının növbəti turunda“Bayer” “Verder”lə qarşılaşacaq. Oyun oktyabrın 26-da baş tutacaq.
