Bakı, 24 oktyabr, Sporaz.tv
Gedson Fernandes Fransanın “Lyon” komandasında peşmandır. Mövsümün əvvəlində “Lyon”-a transferi son anda reallaşmayan Gedson Fernandes, dünən gecəki matçın ulduzu olub.
Sporaz.tv məlumat verir ki, UEFA Avropa Liqasının 3-cü həftəsində “Beşiktaş“, səfərdə “Lyon”-u 1:0 hesabı ilə məğlub edib. Qara-ağlara qələbə qazandıran qolu Gedson Fernandes vurub.
Digər tərəfdən, “L’Equipe”-dən Gedson Fernandes haqqında diqqətçəkən bir xəbər var idi. Fransız nəhənginin yay transfer dönəmində portuqaliyalı yarımmüdafiəçinin transferini tamamlaya bilməyəcəyi bildirilib.
Xəbərdə Gedson Fernandesin mövsümün əvvəlində Lyon üçün prioritet hədəf olduğu və uğurlu futbolçunun meneceri ilə danışıqlar aparıldığı qeyd edilib.
Gedson Fernandesin transferini tamamlaya bilməyən “Lyon”-un “Marsel“-dən Jordan Veretoutu heyətinə qatdığı bildirilirdi.
Yenə xəbərlərdə vurğulanıb ki, dünən axşamkı matçdan sonra “Lyon” idarəçiləri, Gedson Fernandesə mövzusunda peşman olublar.
2024-25 mövsümünə əla başlayan Gedson Fernandes, bütün yarışlarda 14 matçda 7 qol vurub, 2 məhsuldar ötürmə edib.
