Bakı, 28 avqust, Sporaz.tv
İngiltərə Premyer Liqa komandalarından olan “Liverpool” “Valencia“nın qapıçısı Giorgi Mamardashvilini heyətinə qatdığını açıqlayıb. Mamardashvilinin 2025/26 mövsümündə komandaya qoşulacağı bildirilib.
Sporaz.tv xəbər verir ki, Premyer Liqada transfer pəncərəsinin bağlanmasına az qalmış “Liverpool” yeni qapıçısını açıqlayıb.
Klubdan verilən açıqlamada İspaniya La Liga komandalarından olan “Valencia”da çıxış edən Giorgi Mamardashvilinin transferi üçün razılıq əldə olunduğu bildirilib.
Açıqlamada 23 yaşlı qolkiperin mövsümü “Valencia”da başa vuracağı və gələn il “Liverpool”a keçəcəyi bildirilib.
Mamardashvili “Liverpool”un bu mövsüm ilk transferi olub.
Gürcüstanın “Gagra” komandasının infrastrukturunda futbola başlayan Giorgi Mamardashvili daha sonra Tbilisi “Dinamo”, “Rustavi” və “Lokomotiv” klublarında çıxış edib.
İspaniya komandası 2021/22 mövsümündə icarə əsasında “Valencia”ya transfer olunan Mamardashvilinin transfer haqqını ara transfer dövründə alıb.
Karyerası boyunca 169 oyun keçirən Giorgi Mamardashvili 207 qol buraxıb. Gənc qolkiper 48 matçda qapısını təmiz saxlayıb.
Liverpool-un paylaşımı:
Bahar Rüstəm
