Bakı, 9 avqust, Sporaz.tv
“Galatasaray“(Qalatasaray)da çıxış edən Kerem Aktürkoğlunun Moskva “Spartak“ına transferi gündəm olub. Aktürkoğlunun meneceri William D’Avila, türkiyəli futbolçunun transferi üçün Rusiya komandasının qapılarını bağlayıb.
Sporaz.tv məlumat verir ki, “Galatasaray”dan ayrılması gündəmdə olan Kerem Aktürkoğlu üçün Moskvanın “Spartak”ı hərəkətə keçdi.
Bir müddətdir ki, tərəflər arasında danışıqlar davam edərkən, Kerem Aktürkoğlunun meneceri açıqlama verib.
William D’Avila, Moskvanın “Spartak” klubunun qapılarını bağlayıb.
D’Avila, “Kerem Moskva “Spartak”ına transfer olunmayacaq”-deyə şərh bildirib.
2023-24 mövsümündə cəmi 54 matça çıxan və 3760 dəqiqə meydanda qalan Kerem Aktürkoğlu 15 qol vurub, 9 məhsuldar ötürmə edib.
25 yaşlı futbolçunun “Galatasaray”la daha 2 illik müqaviləsi var.
