Bakı, 3 sentyabr, Sporaz.tv
“Beşiktaş” Joao Marionun transfer danışıqları üçün bu gün İstanbula gələcəyini açıqlayıb.
Sporaz.tv xəbər verir ki, “Beşiktaş” Portuqaliya Liqası komandalarından “Benfica”da çıxış edən Joao Marionu heyətinə qatmağa hazırlaşır.
“Ağ-qara” klubunun açıqlamasında Joao Marionun transfer danışıqları üçün bu gün İstanbulda olacağı bildirilib.
Açıqlamada, “Peşəkar futbolçu Joao Mario klubumuzla transfer danışıqları aparmaq üçün İstanbula gəlir. Marionu daşıyan təyyarə bu gün saat 17.50-də İstanbul Hava Limanı Xarici Terminalında olacaq” deyildi.
“Porto”nun akademiyasında futbol oynamağa başlayan Joao Mario Portuqaliyanın “Sporting” və “Benfica” klublarında çıxış edib.
Mario 2016-cı ildə “Sporting”dən “İnter”ə keçib, daha sonra “West Ham United” və “Lokomotiv Moskva”da çıxış edib.
Karyerası boyunca 441 matçda meydana çıxan 31 yaşlı futbolçu bu matçlarda 61 qol vurub, 84 məhsuldar ötürmə edib.
Bahar Rüstəm
