Bakı, 14 iyul, Sporaz.tv
Fransa millisinin üzvü Raphaël Varane, İtaliya A Seriyası təmsilçisi “Como” ilə razılığa gəlib.
Sporaz.tv “Report” -a istinadən xəbər verir ki, 31 yaşlı müdafiəçi Sesk Fabreqasın baş məşqçisi olduğu klubun təklifini qəbul edib və müqavilə yaxın vaxtlarda rəsmiləşəcək.
2021-ci ildən İngiltərənin Manchester United (Mançester Yunayted) klubunda çıxış edən dünya çempionunun müqavilə müddəti yayda başa çatıb və o, hazırda azad agentdir.
Qeyd edək ki, ötən mövsüm “Como” B seriyasında 2-ci yeri tutub və İtaliyanın əsas liqasında mübarizə aparmaq hüququ qazanıb.
